İyulun 29-da Bakının Qaradağ rayonu ərazisində (Sahil qəsəbəsinə çatmamış, «NUR market»in yanında) yol qəzası baş verib.
Bu barədə Səhiyyə Nazirliyindən bildiriblər.
Məlumata görə, qəza zamanı mikroavtobus yük avtomobili ilə toqquşub: «Hadisə yerinə 6 təcili tibbi yardım briqadası yollanıb. Qəza nəticəsində xəsarət alan 6 nəfər Kliniki Tibb Mərkəzinə çatdırılıb. Həkimlər yaralılardan 2-sinin vəziyyətini ağır, 4-nün vəziyyətini isə orta ağır kimi dəyərləndiriblər».
Hazırda hadisənin baş vermə səbəbi araşdırılır.