Avqustun 14-də Bakı və Abşeron yarımadasında havanın yağmursuz keçəcəyi, şimal-şərq küləyinin əsəcəyi, gündüz onun cənub-şərq küləyi ilə əvəzlənəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 18-22, gündüz 27-32, Bakıda gecə 20-22, gündüz 29-31 dərəcə isti proqnozlaşdırılır.
Azərbaycanın əksər rayonlarında da yağıntı gözlənmir. Lakin bəzi dağlıq ərazilərdə şimşək çaxacağı, qısamüddətli yağış yağacağı ehtimalı var. Gecə 18-23, gündüz 31-36, dağlarda gecə 11-16, gündüz 19-24 dərəcə isti təxmin edilir.