Son bir ildə ölkədə boşananların sayı artıb.
Bu barədə Dövlət Statistika Komitəsinin (DSK) məlumatında bildirilir.
Məlumatda yazılıb ki, bu ilin 6 ayında qeydiyyat şöbələri 29391 nikah və 8257 boşanma halları qeydə alıblar: «Ötən ilin müvafiq dövrü ilə müqayisədə əhalinin hər 1000 nəfərinə nikahların sayı 5.7-dən 6.0-a, boşanmaların sayı isə 1.5-dən 1.7-yə qədər artıb».
Son illər Azərbaycanda boşanma hallarının ardıcıl olaraq artdığı bildirilir. Bundan əvvəlki illərdə isə evlənənlərin sayının azaldığı qeyd olunurdu.