Azərbaycanda son günlər baş verən yanğınlarla bağlı şübhəli şəxslər müəyyən olunub, buna görə sənədlər hüquq-mühafizə orqanlarına göndərilib.
Bu barədə Ekologiya və Təbii Sərvətlər Nazirliyindən məlumat verilib.
Nazirlikdən bildirildiyinə görə, bəzi şəxslər biçilmiş taxıl sahəsini yandırıb və nəticədə yanğın meşə sahəsinə keçib. Qurumdan ad və ya adlar çəkməyiblər.
Son günlər ölkənin bir sıra bölgələrində- Quba, Qax, Zaqatala, Oğuz, Qəbələ, Ağsu, Şəki rayonlarında və Hirkan Milli Parkında yanğınlar baş verib. Yanğınların çoxunun tam söndürüldüyü, qalanlarının isə lokallaşdırıldığı bildirilir. Rəsmilər bu yanğınlara səbəb kimi insan amilini göstərirlər.