Ekologiya və Təbii Sərvətlər Nazirliyi (ETSN) bəzi ona aid sahələr üzrə icazələrin verilməsini asanlaşdırmaq məqsədilə gələn aydan «ASAN Xidmət» mərkəzlərində fəaliyyət göstərəcək.
Bunu ETSN mətbuat xidmətinin rəhbəri İradə İbrahimova bildirib.
«Dövlət ekoloji ekspertizası üzrə müvafiq icazələrin, eyni zamanda, vəhşi heyvan və balıqların ovuna icazələrin verilməsi «ASAN Xidmət» mərkəzində həyata keçiriləcək», - xidmət rəhbəri bildirib. Onun sözlərinə görə, bununla vətəndaş müraciətlərinin daha operativ, asan, həllinə, şəffaflığın artırılmasına nail olunacaq.