29 yaşlı iranlı qadın özünü yandırandan sonra dünyasını dəyişib. O, kişilərin futbol yarışına getməyə cəhddə ittiham olunurdu.
Sevimli Esteghlal (İstiqlal) komandasının rənginə görə “Mavi qız” ləqəbini daşıyan Səhər Xodayari (Sahar Khodayari) Tehranda xəstəxanada dünyasını dəyişib.
Iranian girl Sahar, known as Blue Girl (for being a fan of blue team Esteghlal), has passed away after she set herself on fire in front of a court, which reportedly handed her 6 months jail for trying to sneak into football stadium. Women are not allowed in men’s soccer games. pic.twitter.com/wO8MN0hNWL
— Ali Noorani (@ali_noorani_teh) 10 сентября 2019 г.
Təsdiqlənməmiş məlumatlara görə, o, ötən həftəsonu keçinib, ancaq şiələrin müqəddəs Qum şəhərində yüksək təhlükəsizlik tədbirləri altında dəfn olunandan sonra xəbər sentyabrın 9-da yayılıb.
Səhər sentyabrın 2-də məhkəmənin qabağında üstünə benzin tökərək yandırıb. Futbol oyununa baxmaq üçün stadiona keçməyə cəhd edəndən sonra ona ittiham irəli sürülmüş, dindirilməyə çağırılmışdı.
Bacısı əvvəllər də intihara cəhd etdiyini deyir
Qadının bədəninin 90 faizindən çoxu yanmış, ağciyərləri zədələnmişdi.
Bacısı Səhərin biopolyar affektiv pozuntudan əziyyət çəkdiyini, əvvəllər də intihara cəhd etdiyini deyib. Bacısı İran mediasına deyib ki, həbsindən, altı aylığa həbs oluna biləcəyini eşidəndən sonra əqli durumu pisləşib.
Qadının sözlərinə görə, martın ortasında bacısı mavi parik qoyub, uzun plaş geyinərək Tehrandakı Azadi stadionuna girməyə cəhd göstərib. Səhər onun üzərində axtarış aparmaq istəyən mühafizə əməkdaşlarına qadın olduğunu söyləyib.
“Onu elə oradaca həbs ediblər”, – bacısı sentyabrın 5-də Shahrvandonline.ir-ə müsahibəsində deyib.
Səhərin saxlanması, intihara cəhdi və ölümü sosial mediada böyük narazılıq yaradıb. Dövlətin qadınları 40 ilə yaxındır stadionlara buraxmaması pislənilir.
Son illər qadınlardan ibarət seçmə qruplar futbol yarışlarına buraxılır.
Sadiq qadın futbol azarkeşlər isə bəzi hallarda bu qadağanı pozaraq kişi paltarında stadiona keçirlər.
İranın qızı...
“O, İranın qızıydı”, – deputat Parvaneh Salahshouri deyib. O, ölkədə kişilərin qadınların yerinə qərar verdiyini, onları təməl hüquqlarından məhrum etdiyini sözlərinə əlavə edib.
“Bu ölkənin Səhərlərinin həbsi və yandırılması üçün hamımız məsuliyyət daşıyırıq”, – Salahshouri Twitter-də yazıb.
او تنها #دختر_آبی نبود. سحر #دختر_ایران بود. در جایی که مردانش برای زنان تکلیف تعیین میکنند و ابتداییترین حقوق انسانی را از آنها سلب میکنند، و زنانی که علیه زنان در این ظلم آشکار مردان را همراهی میکنند، همه ما در حبس و سوختن سحرهای این سرزمین مسئولیم.
— Parvaneh Salahshouri پروانه سلحشوری (@P_Salahshouri) 10 сентября 2019 г.
Esteghlal komandasının bəzi oyunçuları sosial mediada Səhərin ölümündən kədərləndiklərini, onun mücadiləsindən “utanc hissi keçirdiklərini” yazıblar.
واکنش زکی پور، کاوه رضایی، قائدی و محسن کریمی به درگذشت #دختر_آبی#استقلال pic.twitter.com/tPqSmyJtgm
— استقلال تهران (@FcEsteghlal) 10 сентября 2019 г.
Milli komandanın oyunçusu Hossein Mahini Sahar Khodayari-nun şərəfinə tanınmış futbol karikaturaçısı Omar Momani-nin çəkdiyi rəsmi paylaşıb.
Ötən həftə adı çəkilməyə rəsmi deyib ki, gənc qadın üzünü örtmədiyinə və təhlükəsizlik əməkdaşları ilə toqquşduğuna görə saxlanıb.
Bu arada FIFA da İrana qadınların futbol yarışlarına qoyulmuş qadağanı ləğv etməyə, azından yüngülləşdirməyə çağırır.