Noyabrın 14-də Bağdadın mərkəzində etirazçılarla təhlükəsizlik qüvvələrinin toqquşmasında 4 etirazçı öldürülüb, 62 nəfər yaralanıb. Məlumatı İraq rəsmiləri açıqlayıb.
Toqquşmalar bir neçə həftədir etirazların getdiyi Təhrir meydanı yaxınlığında baş verib.
Etirazlar əsasən Bağdadda və əsasən şiələrin yaşadığı cənub vilayətlərində gerçəkləşir.
Oktyabrın 1-dən başlanmış iğtişaşlarda azı 320 nəfər öldürülüb, minlərlə adam yaralanıb.
Onminlərlə nümayişçi küçələrə çıxaraq geniş yayılmış korrupsiyaya, imkanların yoxluğuna, təməl xidmətlərin kasadlığına, elektrik təminatında kəsintilərə etiraz edirlər.