Azərbaycan Mərkəzi Bankının (AMB) idarə heyəti uçot dərəcəsinin 7.50 faizdən 7.25 faizə endirilməsi barədə qərar qəbul edib.
Bu barədə Mərkəzi Bankın sədri Elman Rüstəmov yanvarın 31-də keçirdiyi mətbuat konfransında deyib.
Faiz dəhlizinin parametrlərinin aşağı və yuxarı hədləri uçot dərəcəsinə ±1.75 faizlik diapazonda müəyyənləşdirilib.
Qərar bu gün, yanvarın 31-dən etibarən qüvvəyə minib.
Bundan əvvəl, ötən il dekabrın 13-də AMB uçot dərəcəsinin 7.75-dən 7.50 faizə endirilməsi haqda qərar qəbul etmişdi.
Azərbaycanda uçot dәrәcәsi 2019-cu ildə mərhələlərlə 9.75-dən 7.50 faizə endirilib.