Avqustun 4-də səhər Tehranın şərqində yerləşən sənaye ərazisində yanğın baş verib. Məlumatı dövlət televiziyası yayıb.
Yanğın Tehran vilayətində baş verib. Bu, İranda silsilə yanğın və partlayışlardan sonuncusudur. Bəzi insidentlər həssas məkanlarda qeydə alınıb.
İran dövlət televiziyası yanğında hər hansı itki barədə məlumat olmadığını bildirib.
Məlumata görə, hadisə yerinə yanğınsöndürənlər göndərilib, avqustun 4-də günortadan sonra yanğının söndürülməsi hələ də davam edir.