SpaceX şirkətinin apardığı dörd astronavt noyabrın 17-də Beynəlxalq Kosmik Stansiyaya (BKS) çatıb. NASA bununla ABŞ-ın Rusiya raketlərindən asılılığına son qoyacaq müntəzəm missiyaların başlanacağına ümid edir.
“Resilience” kosmik cihazı ABŞ-ın Ohayo ştatından 400 km yüksəklikdə yerləşən stansiyaya avtonom şəkildə yan alıb. Bu səyahət 27.5 saat çəkib.
Heyətə üç amerikalı – Maykl Hopkins, Viktor Qlover, Şanon Uolker və yaponiyalı Soiçi Noquçi daxildir.
Onları stansiyanın dörd nəfərlik heyəti alqışlayaraq qarşılayıb.
Noquçi orbitə özəl kosmik gəmidə qalxan ilk qeyri-amerikalıdır.
Hazırda stansiyada iki rusiyalı və bir amerikalı var, yeni gələnlər orada altı ay qalacaq.