Dağlıq Qarabağdakı 44 günlük müharibədə ölənlərə görə Ermənistanda üç günlük matəm elan edilib. Matəm dekabrın 19-dan-21-dək davam edəcək.
AzadlıqRadiosunun erməni xidmətinin yazdığına görə, mətəmin ilk günü Yerevandakı Respublika meydanından Yerablur hərbi məzarlığına qədər matəm yürüşü olacaq.
Matəmlə bağlı səhər saatlarında xalqa müraciət edən Ermənistanın baş naziri Nikol Paşinyan "yenidən quraq" şüarı altında ölkənin gələcək inkişafı ilə bağlı öz fikirlərini təqdim edib.
O, Qarabağ müharibəsi zamanı baş verən bütün vəziyyətlərin diqqətlə öyrənməsinin lazım olduğuna əminliyini bildirib.
Paşinyan qeyd edib ki, o, səlahiyyətlərinin icrasına başlayanda nələrlə qarşılaşacağını bilib və mövcud reallıqları dəyişməyə çalışıb.
«Biz illər ərzində səhvlər etdik və onlar sistemli, konseptual və predmetli di. Bütün bunlar qurumlarımızın ciddi problemlərlə üzləşməsinə gətirib çıxardı. Bəzən xəyallarımızın dağıldığı və qurumlarımızın həyat qabiliyyətinin şübhə altında olduğu görünür.
Bütün bunların nəticəsi olaraq böyük bir sual ortaya çıxdı: bundan sonra nə etməliyik? Bundan sonra necə yaşayacağıq və hədəfimiz nə olacaq? Niyə hər şey belə oldu? Əlbətdə, mövqeyimə görə daşıdığım hər şey üçün bütün məsuliyyəti öz üzərimə götürdüm. Və dedim ki, təvazökarlıqla xalqımızın verdiyi hökmü qəbul edəcəm. Ancaq deməyə də bilmərəm: "günah keçisi" qurumu ruhu rahatlatmaq, qəzəb və qəzəbi ifadə etmək üçün yaxşıdırsa, baş verənləri dərindən və bütöv başa düşmək baxımından faydasızdır..." deyə Paşinyan bildirib.
Paşinyan vurğulayıb ki, onun bu müraciətin mənası və məqsədi ümidsizlik əkmək deyil, əksinə ümid və nikbinlik oyatmaqdır.
"...bölgənin içərisinə keçə biləcək hərbi əməliyyat ehtimalı yüksək idi"
Syunik bölgəsindəki sərhəd delimitasiyası məsələsinə də toxunan baş nazir, Azərbaycanla delimitasiya zamanı Ermənistanın Sovet sərhədləri daxilində bir millimetr ərazisinin verilmədiyini deyib. Paşinyana görə, bu Syunikin təhlükəsizlik zəmanətlərini gücləndirir, çünki sərhədlərlə bağlı məsələlər həll olunmasa, bölgənin içərisinə keçə biləcək hərbi əməliyyat ehtimalı yüksək idi. Baş nazir, Ermənistanın beynəlxalq müqavilələr çərçivəsində təhlükəsizlik zəmanətlərinin Ermənistanın beynəlxalq səviyyədə tanınmış sərhədlərinə tətbiq olunduğunu vurğulayıb. O, öz çıxışında bazar ertəsi Syunikdə olacağını deyib.
Paşinyan bir daha Ermənistandakı siyasi gələcəyin "elit üsyan" yolu ilə deyil, xalqın seçimi ilə həll edilməli olduğu mövqeyini təkrarlayıb.