Rusiyanın Yekaterinburq şəhərində doqquzmərtəbəli yaşayış binasında yanğında biri uşaq olmaqla səkkiz nəfər ölüb.
Sverdlovsk regionu rəsmilərinin yanvarın 12-də bildirməsinə görə, ötən gecə baş vermiş yanğının səbəbi bəlli deyil.
Yanğının binanın ikinci mərtəbəsində başladığı, tüstünün sürətlə bütün binaya yayılaraq yuxarı mərtəbələrdə yaşayanların qaçmasını mümkünsüz etdiyi bildirilir.
Yanğınsöndürənlər 9-u uşaq olmaqla 90 nəfəri xilas edə biliblər. Ölənlərin meyitləri ikinci, beşinci və doqquzuncu mərtəbələrdən çıxarılıb.
İnsidentlə bağlı cinayət işi başladılıb.
Rusiyada təhlükəsizlik qaydalarının pozulmasından dolayı ölümcül yanğınlar tez-tez baş verir.
İki gün öncə Sibirdə özəl qocalar evində yanğında 7 nəfər ölüb.