Azərbaycanın Müdafiə naziri Zakir Həsənov Türkiyə Milli Müdafiə naziri Hulusi Akarın dəvəti ilə fevralın 11-də bu ölkəyə səfər edib.
Bu barədə Azərbaycan Müdafiə Nazirliyi məlumat yayıb.
Məlumatda yazılıb ki, Z.Həsənov Türkiyənin Qars şəhərində keçirilən “Qış təlimi-2021”-in yekun mərhələsini izləyəcək.
2021-ci il fevralın 1-dən 12-dək Qars vilayətində Türkiyə və Azərbaycan Silahlı Qüvvələrinin “Qış təlimi -2021” birgə hərbi təlimi keçirilir.
Son illər bu iki ölkənin hərbi bölmələri belə birgə təlimlər keçirirlər.