Milyarder İlon Maskın SpaceX şirkətinin Starship kosmik gəmisinin prototipi uğurlu enişdən 10 dəqiqə sonra partlayıb. Gəmi 10 km yüksəkliyə qalxaraq sınaq uçuşu həyata keçirib.
SpaceX ilk dəfəydi Starship-in prototipini uğurla endirə bilirdi. Kadrlardan gəminin bir hissəsinin yerə enərkən yandığı görünür. Bir neçə dəqiqə sonra o partlayır.
Amma SpaceX sınaqdan məmnun qalıb.
Şirkət rəhbəri İlon Mask Twitter-də yazıb ki, Starship sağ-salamat yerə enib. O hələlik, gəminin prototipinin partlamasını şərh etməyib.
Bu, Starship üçün 3-cü sınaq idi. Dekabrın 10-da və fevralın 3-də raketlər eniş zamanı partlamışdılar.
Starship kosmik gəmisi Marsa missiyalar üçün nəzərdə tutulub.