Azərbaycan müsabiqədə 20-ci yerdə qərarlaşıb
Niderlandın Rotterdam şəhərində “Avroviziya-2021” mahnı müsabiqəsi başa çatıb. Mayın 22-də başlayan final mərhələsinin qalibi İtaliya olub. İtaliyanın “Maneskin” qrupunun "Zitti e buoni" mahnısı 524 xal toplayıb. Mahnı yarışmasının ikinci yeri Fransa, üçüncü yeri isə İsveçrə qazanıb.
Azərbaycan təmsilçisi Samirə Əfəndi “Mata Hari” mahnısını ifa edib. O, müsabiqəni 20-ci sırada başa vurub.
Samirə Əfəndi, 16 may 2021
Builki müsabiqəyə ümumilikdə 39 ölkə qatılsa da, final mərhələsində 26 ölkə təmsilçisi iştirak edib.
Sayca 65-ci olan “Avroviziya” Mahnı Müsabiqəsi 2020-ci ildə pandemiya səbəbi ilə təxirə salınıb.
2019-cu ildə İsrailin Tel-Əviv şəhərində keçirilən müsabiqənin sonuncu qalibi "Arcade" mahnısı ilə niderlandlı Dunkan Lourens olub.
Xatırlatma
Azərbaycan isə yalnız bir dəfə, Avroviziya 2011-də qalib olub. Onda Eldar Qasimov və Nigar Camal ifa etdiklər "Running Scared" adlı mahnı ilə 221 xal toplayaraq qalib gəlmişdirlər. 2012-ci ildə bu yarışlara Azərbaycan ev sahibliyi etmişdi.