Gələn il Azərbaycan Respublikası Dövlət Neft Şirkəti (ARDNŞ) qaz hasilatını 500 milyon kubmetr artıraraq, ən azı beş milyard kubmetr mavi yanacaq hasil etməyi planlaşdırır. Şirkətdən verilən məlumata görə, qaz hasilatında artım 10 yeni quyunun qazılması hesabına təmin ediləcək. Yeddi istismar quyusunun «Günəşli»nin dayazsulu hissəsində, iki quyunun «8 Mart», bir quyunun isə «Bahar» yatağında qazılması planlaşdırılır.
