1 aprel - Gülüş Günüdür.
Bu münasibətlə Azərbaycanın xalq artisti İlham Namiq Kamalla söhbət edəsi olduq.
- İlham müəllim, Sizcə, Azərbaycan əhli lazımınca gülə bilir, ya yox?
- Belə baxanda, istər Gülüş Günü olsun, istər yox, gülüş hamıya aiddir. İndi kim nəyə görəsə gülür, kim də nəyə görəsə gülə bilmir. Bunun da təqsiri sənətçilərdə deyil.
- Amma ümumiyyətlə, gülməli bir şey varmı?
- Əlbəttə ki, var. Diqqətlə baxsaq, ətrafda gülməli şey o qədər çoxdur ki, adamın ağlamağı gəlir.
- Nə etməli ki, bu gülüş xoş ovqat yaradan həddə qalsın və ağlamaq dərəcəsinə çatmasın?
- Xoş ovqat olması üçün, mənə belə gəlir ki, ətrafdakı bu məzhəkələri, sirk proqramlarını yığışdırmaq lazımdır.
- Bəs əvəzində nə təklif etmək?
- İnsani münasibətlər.
- İndiki dövrdə insani münasibətlər nə dərəcədə işləkdir?
- Məncə, təbii adamlarda insani münasibətlər olur. Qeyri təbiilərdə, səviyyəsizlərdə isə insani münasibətlər az olur. M.Ə. Sabirin şerlərini xatırlayaq. Deyir: «bir bölük boş boğazıq, heyvərəlik adətimiz».
- Sizcə, bugünkü Azərbaycan adamının əhvalı gülməyə, ağlamağa, ya sadəcə sakit dayanmağa daha yaxındır?
- Mənə belə gəlir ki, sakit dayanmaqla yanaşı gülmək də, ağlamaq da lazımdır. Şaqqanaq çəkib gülmək də lazımdır. Buna vitamin C deyirlər. Adam da var göz yaşı tökəndə, gözləri daha işıqlı olur. Dünyaya daha işıqlı gözlə baxır. Ona görə GÖZ YAŞI DA LAZIMDIR, GÜLÜŞ DƏ.
- Azərbaycanda hansı təbəqə daha gülərüz təsiri bağışlayır - yaşlı, orta, ya körpə nəsil?
- Əsasən dünyanı qavrayan insanlarda yumor hissi güclü olur. Dünyanı qavramayan insanlar nəinki gülüşün, heç ağlamağın da nə olduğunu bilmirlər. O elə robot kimi gedir, gəlir, gəlir, gedir.
- Bugünkü dünya nə dərəcədə qavranılandı?
- Özün kamilsənsə, dünyanı da kamil qavrayacaqsan. Kamil deyilsənsə, dünyanı necə qavramaq olar?
- Kamildirmi Azərbaycan əhli?
- Mənə belə gəlir ki, AZƏRBAYCANLILAR KAMİL OLMALIDIR. KAMİL OLMASA DA, GEDİB ZƏNG EDİB KAMİLİ TAPMALIDIR.
- Kütləvi etirazlar baş verən ərəb ölkələrindəki camaatı güldürmək üçün nə etmək lazımdır?
- Vallah mən orada tamaşa oynamamışam. Ona görə deyə bilmərəm. Amma ora qastrol olsa, qayıdandan sonra onlar haqqında öz fikrimi deyərəm.
- Belə bir qastrol səfəri ola bilər?
- Bu sırf inzibatçıların işi olduğu üçün dəqiq bir söz deyə bilmərəm. Əvvəllər qastrollar tez-tez olardı. Düzdür, ərəb ölkələrinə yox, başqa yerlərə. İndi bəlkə elə oralara da olacaq. Allah eləsin.
- Son vaxtlar daha çox ərəb ölkələrindən bura nələrinsə transfer olacağından danışırlar. Bu inandırıcıdır, ya gülüncdür?
- Vallah nə deyim. Mənim belə çox dərin məsələlərə dərindən baxmaq fikrim yoxdur.
- Onda biz Sizə dərindən gülmək və güldürmək arzulayıram.
- Mən də hər bir azərbaycanlının üzündə təbəssüm arzulayıram. Qoy gülsün, amma qəşş eləməsin. Unutmasın ki, böyük sənətkarımız Əliağa Ağayev qəşş eləyəndə, rəhmətə gedib.
Bu münasibətlə Azərbaycanın xalq artisti İlham Namiq Kamalla söhbət edəsi olduq.
- İlham müəllim, Sizcə, Azərbaycan əhli lazımınca gülə bilir, ya yox?
- Belə baxanda, istər Gülüş Günü olsun, istər yox, gülüş hamıya aiddir. İndi kim nəyə görəsə gülür, kim də nəyə görəsə gülə bilmir. Bunun da təqsiri sənətçilərdə deyil.
- Amma ümumiyyətlə, gülməli bir şey varmı?
- Əlbəttə ki, var. Diqqətlə baxsaq, ətrafda gülməli şey o qədər çoxdur ki, adamın ağlamağı gəlir.
- Nə etməli ki, bu gülüş xoş ovqat yaradan həddə qalsın və ağlamaq dərəcəsinə çatmasın?
- Xoş ovqat olması üçün, mənə belə gəlir ki, ətrafdakı bu məzhəkələri, sirk proqramlarını yığışdırmaq lazımdır.
- Bəs əvəzində nə təklif etmək?
- İnsani münasibətlər.
- İndiki dövrdə insani münasibətlər nə dərəcədə işləkdir?
- Məncə, təbii adamlarda insani münasibətlər olur. Qeyri təbiilərdə, səviyyəsizlərdə isə insani münasibətlər az olur. M.Ə. Sabirin şerlərini xatırlayaq. Deyir: «bir bölük boş boğazıq, heyvərəlik adətimiz».
- Sizcə, bugünkü Azərbaycan adamının əhvalı gülməyə, ağlamağa, ya sadəcə sakit dayanmağa daha yaxındır?
- Mənə belə gəlir ki, sakit dayanmaqla yanaşı gülmək də, ağlamaq da lazımdır. Şaqqanaq çəkib gülmək də lazımdır. Buna vitamin C deyirlər. Adam da var göz yaşı tökəndə, gözləri daha işıqlı olur. Dünyaya daha işıqlı gözlə baxır. Ona görə GÖZ YAŞI DA LAZIMDIR, GÜLÜŞ DƏ.
- Azərbaycanda hansı təbəqə daha gülərüz təsiri bağışlayır - yaşlı, orta, ya körpə nəsil?
- Əsasən dünyanı qavrayan insanlarda yumor hissi güclü olur. Dünyanı qavramayan insanlar nəinki gülüşün, heç ağlamağın da nə olduğunu bilmirlər. O elə robot kimi gedir, gəlir, gəlir, gedir.
- Bugünkü dünya nə dərəcədə qavranılandı?
- Özün kamilsənsə, dünyanı da kamil qavrayacaqsan. Kamil deyilsənsə, dünyanı necə qavramaq olar?
- Kamildirmi Azərbaycan əhli?
- Mənə belə gəlir ki, AZƏRBAYCANLILAR KAMİL OLMALIDIR. KAMİL OLMASA DA, GEDİB ZƏNG EDİB KAMİLİ TAPMALIDIR.
- Kütləvi etirazlar baş verən ərəb ölkələrindəki camaatı güldürmək üçün nə etmək lazımdır?
- Vallah mən orada tamaşa oynamamışam. Ona görə deyə bilmərəm. Amma ora qastrol olsa, qayıdandan sonra onlar haqqında öz fikrimi deyərəm.
- Belə bir qastrol səfəri ola bilər?
- Bu sırf inzibatçıların işi olduğu üçün dəqiq bir söz deyə bilmərəm. Əvvəllər qastrollar tez-tez olardı. Düzdür, ərəb ölkələrinə yox, başqa yerlərə. İndi bəlkə elə oralara da olacaq. Allah eləsin.
- Son vaxtlar daha çox ərəb ölkələrindən bura nələrinsə transfer olacağından danışırlar. Bu inandırıcıdır, ya gülüncdür?
- Vallah nə deyim. Mənim belə çox dərin məsələlərə dərindən baxmaq fikrim yoxdur.
- Onda biz Sizə dərindən gülmək və güldürmək arzulayıram.
- Mən də hər bir azərbaycanlının üzündə təbəssüm arzulayıram. Qoy gülsün, amma qəşş eləməsin. Unutmasın ki, böyük sənətkarımız Əliağa Ağayev qəşş eləyəndə, rəhmətə gedib.