İranın baş nüvə rəsmisi Əli Laricani yanvarın 4-də Pekinə gəlib. O, baş rəsmilərlə görüşəcək. Ötən ay BMT-nin Təhlükəsizlik Şurası İrana uran zənginləşdirmə fəaliyyətinə görə sanksiyalar nəzərdə tutan qətnamə qəbul edib. Təhlükəsizlik Şurasının daimi üzvü olan Çininsə İranda iqtisadi maraqları var. O, nüvə məsələsiylə bağlı daha çox danışıqlar aparmağa çağırır. Çinin mövqeyinə görə, sanksiyalar problemi həll edə bilməyəcək.
