Martın 19-da prezident İlham Əliyev Novruz bayramı münasibətilə Azərbaycan xalqını təbrik edib. Təbrikdə deyilir ki, Azərbaycan xalqı böyük milli-mənəvi gücə malik Novruz bayramını həmişə uca tutaraq tarixinin ən çətin, ən mürəkkəb dövrlərində belə yad təsirlərdən qorumuş, ürəklərdə, yaddaşlarda daim ümidlə yaşatmışdır: «Öz müstəqilliyini bərpa etdiyi gündən ölkəmizdə bayramın rəsmi səviyyədə keçirilməsinə başlanmışdır».
Ölkə başçısı Azərbaycan xalqına cansağlığı, xoşbəxtlik və səadət arzu edir.