Azərbaycan Dövlət Neft Şirkətinin (ARDNŞ) yeni ofisinin tikinti layihəsi başa çatıb. Bu barədə ARDNŞ-in prezidenti Rövnəq Abdullayev bildirib.
Onun sözlərinə görə, artıq 2007-ci ilin sonunda sahəsi 59 min 102 kv. m. və hündürlüyü 149,4 m. olan 37 mərtəbəli (2 mərtəbə - yeraltı) binaların tikinti işləri başlanacaq. Tikinti işlərini Cənubi Koreyanın Heerim Architects & Planners Co. Ltd. şirkəti həyata keçirəcəkdir. Korpusun istismara verilməsi 2010-cu ilə nəzərdə tutulur.
Binada bir neçə konfrans zalı, qonaq evi, kompakt sosial-məişət obyektləri, yeraltı və yerüstü avtodayanacaqlar, avtonom texniki meydançalar və hətta kompakt idman tikililər olacaq. Orada 2 minə yaxın işçi çalışacaq.
ARDNŞ-in yeni ofisi tikintisi məqsədilə artıq Heydər Əliyev prospektində torpaq sahəsi ayrılıb.