Oktyabrın 9-da təxminən 15:00 radələrində 30 yaşlı gənc özünü Qız Qalasından atıb.
Səbail Rayon Prokurorluğundan «Turan»a verilən məlumata görə, ölənin şəxsiyyətini və özünəqəsdin səbəblərini müəyyən etmək hələlik mümkün olmayıb. Prokurorluqda Cinayət Məcəlləsinin özünü öldürmə həddinə çatdırma maddəsi ilə cinayət işi açılıb.
Bu, həmin ərazidə ilk özünəqəsd hadisəsi deyil. Son illər eyni yolla ən azı beş nəfər özünə qəsd edib. Buna görə, bir müddət əvvəl qalanın damında polis postu qurulmuşdu.
Əvvəlki özünüqəsd hadisələri ailə və sosial problemlər zəminində baş verib.