Prezident yanında Qeyri-Hökumət Təşkilatlarına Dövlət Dəstəyi Şurası yaradılır. Bunun üçün dövlət başçısı dekabrın 13-də fərman imzalayıb.
Nazirlər Kabinetinə tapşırılıb ki, şuranın və onun katibliyinin fəaliyyətinin təşkili üçün müvafiq yerin ayrılması və maddi-texniki təminatı məsələlərini həll etsin.
Şuranın əsasnaməsində göstərilir ki, hər il QHT-lərə dəstək məqsədi ilə dövlət büdcəsindən vəsait ayrılacaq.
«Şuranın əsas məqsədi vətəndaş cəmiyyətinin möhkəmlənməsinə və davamlı inkişafına nail olmaqdan, ictimai əhəmiyyətli problemlərin həllində qeyri-hökumət təşkilatlarının rolunu artırmaqdan ibarətdir».