Artıq Azərbaycan ordusunun bütün qoşun növləri NATO standartlarına uyğunlaşdırılıb. Bu sözləri Müdafiə Nazirliyinin mətbuat xidmətinin rəhbəri Eldar Sabiroğlu deyib.
Onun sözlərinə görə, 2007-ci ildə Ermənistan-Azərbaycan cəbhəsinin təmas xəttində atəşkəs intensiv pozulub və hər iki tərəf itkilər verib. Bununla bağlı ATƏT 2007-ci ildə qoşunların təmas xəttində 16 dəfə monitorinq aparıb.
Eldar Sabiroğlu Azərbaycanın 50-yə yaxın ölkə ilə hərbi sahədə işbirliyi qurduğunu, 21 ölkə ilə hərbi əməkdaşlıq müqaviləsi imzaladığını bildirib.
2008-ci ildə ordunun maddi-texniki bazasının, eyni zamanda kadrların sosial müdafiəsinin gücləndiriləcəyi deyilib. O, 2008-ci ildə Müdafiə Nazirliyi sistemində çalışanların əmək haqlarının artırılacağını da bildirib.