Taciklər Azərbaycan yığması ilə oyunun təxirə salınmasını istəyirlər

Azərbaycanın futbol yığmasının yeni ildəki ilk yoldaşlıq oyununu fevralın 6-da Bakıda Tacikistan komandasına qarşı keçirəcəyini xəbər vermişdik. Amma Tacikistanın futbol qurumu AFFA-ya müraciət edərək bu oyunun ləğv olunmasını xahiş edib. Taciklər yığmanın əsasını təşkil edən «Reqar-Tadaz» klubunun «Birlik kuboku»nda iştirakını, sonra Türkiyəyə təlim-məşq toplanışına getməsini və milli komandanın Asiya turnirində çıxış edəcəyini nəzərə alaraq yoldaşlıq görüşünün təxirə salınmasını istəyib.