Almaniyalı mütəxəssis Berti Foqts Azərbaycan milli futbol komandasının baş məşqçisi təyin edilib. Qərar AFFA-nın İcraiyyə Komitəsinin martın 30-da keçirilən iclasında qəbul edilib. Onunla iki il müddətinə müqavilə bağlanacaq.
B.Foqts 1946-cı ildə Almaniyanın Büttgen şəhərində anadan olub. Futbol karyerasına 1965-ci ildən başlayıb.
Onun rəhbərlik etdiyi Almaniya yığması 1996-cı ildə Avropa çempionu olub.
B.Foqts braziliyalı Karlos Alberto Torresdən sonra Azərbaycan yığmasını çalışdıran ikinci əcnəbi mütəxəssisdir.