Xanlar Hacıyev Azərbaycanın Avropa İnsan Haqları Məhkəməsindəki hakimi vəzifəsinə yenidən seçilib. Qərar Avropa Şurası Parlament Assamleyasının (AŞ PA) aprelin 15-də keçirilmiş plenar iclasında qəbul olunub.
O, 163 mümkün səsdən 131-ni toplayıb və digər iki rəqibi, Rövşən İsmayılov və Səadət Yusifovanı üstələyib.
Xanlar Hacıyev 2003-cü ildən Azərbaycanın Avropa İnsan Haqları Məhkəməsindəki hakimi kimi çalışır. Daha 5 il müddətində o, Azərbaycanı bu qurumda təmsil edəcək.