«Ötən il dünyada qaçqınların ümumi sayı 16 milyonu keçib. Mən beynəlxalq icmaya səslənərək məcburi köçkünlüyün səbəblərini və bunun nəticələrini aradan qaldırmaq üçün səylərin daha da artırılmasına çağırıram».
BMT-nin Baş katibi Ban Ki-munun Ümumdünya Qaçqınlar Günü münasibətilə müraciətində belə deyilir. Onun sözlərinə görə, 1951-ci ildən etibarən insanların məcburi köçürülməsi daha mürəkkəb məsələyə çevrilib: «Qaçqını, aclıqdan xilas olmaq üçün sərhədi keçməyə çalışan insandan ayırmaq çox hallarda çətinlik yaradır. Əhalinin axını qarşılıqlı faktlar əsasında baş verir və insanların tez-tez yerdəyişmələrinə olan maneələr aradan qalxdığına görə məcburi köçkünlərin müdafiəsi getdikcə çətinləşir».
Baş katib deyir ki, resursların getdikcə azalması və ərzaq çatışmazlığı ilə daha da genişlənən münaqişə və yoxsulluq, iqlim dəyişikliyi kimi faktorlar gələcəkdə təhlükəsizliyin təmini sahəsində vəziyyətin pisləşməsinə səbəb ola bilər.
Hər il iyunun 20-si dünyada Ümumdünya Qaçqınlar Günü kimi qeyd olunur.