İyulun 14-də II ixtisas qrupu üzrə ali məktəblərə qəbul imtahanları keçirilib.
II ixtisas qrupu üzrə 22 minə yaxın abituriyent ərizə verib. Onlardan 7.500-ü tələbə ola biləcək. Abituriyentlərdən 175-i əcnəbidir.
II ixtisas qrupu imtahanlarında iştirak etmiş abituriyentlərdən birinin 52 yaşı var.
İmtahanlar Bakıda və Naxçıvanda keçirilib.
İyunun 29-da III ixtisas qrupuna, iyulun 8-də isə I ixtisas qrupuna imtahanlar keçirilib.
IV qrup üzrə imtahanlar iyulun 20-də keçiriləcək. Builki imtahanlarda 116 mindən çox abituriyentin iştirak edəcəyi gözlənilir.