Dövlət Sərhəd Xidmətinin əsgəri Eltun Qarayev həlak olub. DSX-nın martın 7-də yaydığı məlumata görə, əsgər odlu silahdan açılmış atəş nəticəsində yaralanıb, o, Qazax rayonunun diaqnostika mərkəzinə təxliyə edilsə də həyatını xilas etmək mümkün olmayıb.
Bildirilir ki, hadisə martın 7-də səhər saatlarında “Qazax” əlahiddə sərhəd diviziyasının Qazaxın Daş Salahlı kəndi yaxınlığındakı sərhəd döyüş məntəqəsində xidməti vəzifənin icrası zamanı baş verib.
DSX rəhbəri Elçin Quliyevin hadisə yerində olduğu, hadisə ilə əlaqədar DSX Sərhəd Qoşunları və Hərbi Prokurorluq tərəfindən zəruri istintaq tədbirlərinin həyata keçirildiyi deyilir.