"Azərbaycana gələn pakistanlıların sayı son illər ərzində daha da artıb və biz Bakı-İslamabad, Bakı-Kəraçi, Bakı-Lahor arasında birbaşa uçuşları artıq müzakirə etdik". Bunu iyulun 11-də Pakistanda rəsmi səfərdə olan prezident İlham Əliyev mətbuat üçün bəyanatında deyib.
Pakistanın baş naziri Məhəmməd Şahbaz Şərif isə bildirib ki, iki ölkə lideri qarşılıqlı mənfəətli layihələrə ilkin olaraq 2 milyard dollar dəyərində investisiyalarla bağlı müzakirə aparıb. O, noyabrda Azərbaycana rəsmə səfərə gələcəyini də bildirib.
Rəsmi statistikaya görə, 2023-cü ildə Azərbaycana gələn pakistanlı turistlərin sayı 55 min nəfərə çatıb. 2024-cü ilin ilk dörd ayında bu rəqəm 20 minə yaxın olub.