Banklarla bağlı böyük qanun layihələri paketi hazırlanıb.
Bunu Milli Məclisin mayın 27-də keçirilən plenar iclasında İqtisadi siyasət, sənaye və sahibkarlıq komitəsinin sədri Tahir Mirkişili deyib. Onun sözlərinə görə, bununla bağlı hökumət və Mərkəzi Bank arasında müzakirələr aparılır: "Biz də komitə olaraq müzakirələrin yekunlaşmasını gözləyirik. Qanunlara edilən dəyişikliklərin əsas məqsədi son nəticədə faizlərin aşağı salınmasına nail olmaqdır".
Azərbaycanda bank faizlərinin yüksək olduğu ilə bağlı tez-tez şikayətlər eşidilir. Şikayətçilər vurğulayırlar ki, son illər inflyasiya aşağı düşsə də, bu, yüksək bank faizlərinə təsir etmir. Ekspertlər bunu Azərbaycanda rəqabətin aşağı olması ilə izah edirlər. Amma rəsmilər və aparıcı bankların rəhbərləri belə fikirləri təsdiq etmirlər.