Fevralın 9-da Azərbaycan Boks Federasiyasının (ABF) hesabat-seçki konfransı keçirilib.
Tədbir Gənclər və İdman Nazirliyinin inzibati binasında gerçəkləşib. ABF-in baş katibi Nağı Səfərov qurumun son illərdəki fəaliyyəti barədə hesabat verib. Ardınca ABF-in rəhbərliyinə seçkilər keçirilib. Əmək və Əhalinin Sosial Müdafiəsi naziri Sahil Babayev Azərbaycan Boks Federasiyasının yeni prezidenti seçilib.
Konfransda həmçinin, Məhərrəm Talıbov və Vüsal Nəsirli federasiyanın vitse-prezidentləri seçiliblər.
Buna qədər Azərbaycan Boks Federasiyasının Prezidenti Fövqəladə Hallar naziri Kəmaləddin Heydərov idi.
Azərbaycanda bir çox idman federasiyalarına nazirlər rəhbərlik edir.