Bu gün, martın 3-də Azərbaycan Müdafiə Nazirliyi Ermənistana məxsus bir pilotsuz uçuş aparatını (PUA) zərərsizləşdirdiyini açıqlayıb.
“Günorta saatlarında cəbhənin Ağdam istiqamətində mövqelərimiz üzərində uçuşlar həyata keçirməyə cəhd göstərən Ermənistan silahlı qüvvələrinə məxsus "X-55" taktiki pilotsuz uçuş aparatını Hərbi Hava Qüvvələrimizin bölmələri növbəti dəfə zərərsizləşdirib.”, məlumatda vurğulanır.
Qarabağ münaqişəsi ilə bağlı Azərbaycan və Ermənistan silahlı qüvvələri üz-üzə vəziyyətdə mövqe tutublar. Bu münaqişə 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi, ona bitişik 7 rayon və bəzi əlavə kəndlər işğal edilib.
Tərəflər bir-birlərini, bir qayda olaraq, atəşkəs pozuntularında ittiham edirlər.Bəzən insan itkiləri və hərbi texnikanın məhv edilməsi ilə də bağlı qarşılıqlı məlumatlar yayılır.
Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.
Buna da bax: Silahlı Qüvvələrə Yardım Fondunda artım