Bu gün, iyulun 1-dən müddətli həqiqi hərbi xidmətə çağırılan vətəndaşların yararlı, ya da yararsız olması qaydaları dəyişir.
Çağırışçılarn yekun tibbi müayinəsini Əmək və Əhalinin Sosial Müdafiəsi Nazirliyi həyata keçirəcək.
İndiyə qədər bu məsələ Səfərbərlik və Hərbi Xidmətə Çağırış üzrə Dövlət Xidmətinin (SHXÇX) nəzdindəki tibbi komissiyaların səlahiyyətində idi.
Bu ilin yanvarında Baş Prokurorluq və SHXCX hərbi xidmətdən yayınma faktları ilə bağlı 20 cinayət işi açılması xəbərini yaymışdı.
Ötən il SHXCX-nin bir neçə vəzifəli şəxsi saxlanılıb. Onlar pul qarşılığında ayrı-ayrı çağırışçıların hərbi xidmətə yararsız hesab edilmələrinə köməklik göstərməkdə ittiham olunublar.