Prezident İlham Əliyev və xanımı Mehriban Əliyeva noyabrın 1-də İsmayıllı rayonunda səfərdə olublar.
AZƏRTAC-ın xəbərinə görə, İsmayıllı Rayon İcra Hakimiyyətinin başçısı Nahid Bağırov rayonda görülən abadlıq-quruculuq işləri barədə dövlət başçısına məlumat verib.
Onlar İsmayıllıya səfər çərçivəsində Lahıc qəsəbəsində də olublar. Prezident İlham Əliyev və xanımı Lahıcdakı Bədöyün məscidində aparılan bərpa-təmir işləri ilə tanış olublar.
Bu səfər çərçivəsində İsmayıllı şəhərində Uşaq və Ailələrə Dəstək Mərkəzinin yeni binasının açılışı olub.
Daha sonra onlar İsmayıllı şəhər Natiq Behdiyev adına 6 saylı tam orta məktəbin yeni binasının istifadəyə verilməsi mərasimdə də iştirak ediblər.
İsmayıllı şəhəri Bakıdan təqribən 167 kilometr aralıda yerləşir.