İran regionda, istər Ermənistan, istərsə də Azərbaycan ərazisində xarici təmsilçilərin olmasına qarşıdır. Bunu İranın Xarici işlər naziri Hüseyn Əmir Abdullahyan dünən – oktyabrın 20-də Yerevanda ermənistanlı həmkarı Ararat Mirzoyanla birgə mətbuat konfransında deyib.
Bu bəyanat Avropa İttifaqından (Aİ) mülki müşahidə missiyasının Ermənistanın Azərbaycanla sərhədinə göndərilməsi fonunda səslənir.
“Bizim üçün regionda daxili təmsilçilərin fəaliyyəti, o cümlədən 3+3 platforması çox önəmlidir”, – Abdullahyan deyib.
Sizin brauzer HTML5-i dəstəkləmir
Hərbi təlim keçirən İran deyir ki, sərhəddə hansısa dəyişikliyə biganə qalmayacaq
“Bütün tədbirlərə əl atarıq”
Son vaxtlar bu formatda, yəni üç Cənubi Qafqaz ölkəsi və üç region dövlətinin görüşü keçirilməyib. Bu altıtərəfli əməkdaşlıq formatını Türkiyə və Azərbaycan təbliğ edir.
Abdullahyan deyir ki, Tehran regionda tarixi sərhədlərin dəyişdirilməsini qəbul etməyəcək, “bu bizim qırmızı xəttimizdir”.
“İstənilən dəyişikliyin qarşısını almaq üçün bütün tədbirlərə əl atarıq”, – o vurğulayıb.
Buna da bax: Azərbaycan ATƏT missiyasını qəbul etmirNazirin sözlərinə görə, Azərbaycan Prezidenti İlham Əliyev İran rəhbərliyi ilə görüşlərində aydın şəkildə deyib ki, regionda coğrafi və sərhəd dəyişikliyi ilə bağlı hər hansı niyyət və məqsədləri yoxdur.
“Biz regionda geosiyasi və sərhəd dəyişikliklərilə əlaqədar ən yüksək səviyyədə xəbərdarlıq səsləndirmişik. İranın istənilən belə ideyanın qarşısını almağa gücü çatar”, – Abdullahyan vurğulayıb.
Sizin brauzer HTML5-i dəstəkləmir
'İydən boğuluruq': Broyler təsərrüfatını kəndin ortasında kim tikib?
Mirzoyanın ittihamı
Azərbaycanla Ermənistan arasında sentyabrın ortasında sərhəd toqquşmalarında üst-üstə 300-cən hərbçi həlak olub. Azərbaycan Ermənistanı provokasiyada, Yerevan isə Bakını öz suveren ərazisinə girməkdə ittiham edib. Azərbaycan ittihamları rədd edib, sərhədlərin delimitasiya olunmadığını bildirib.
Ermənistanın Xarici işlər naziri Ararat Mirzoyan isə deyib ki, Azərbaycanın “təcavüzkar hərəkətləri sülh uğrunda səmimiliyi şübhə altına alır”.
Buna da bax: Prezidentin dediyindən belə çıxır ki, bir kvadratmetrin təmizlənməsi 5 manata başa gəlirMirzoyan sülh danışıqlarında proqresin olmamasına görə Bakını ittiham edib. O, real proqres yolunda əsas əngəl kimi “Azərbaycanın maksimalist mövqeyini və Ermənistanla qarşılıqlı məqbul qərarlara nail olmaq istəməməsini” göstərib.
Rəsmi Bakı bu bəyanata hələlik, cavab verməsə də, sülh prosesinə sadiqliyini dəfələrlə vurğulayıb.
İki nazir oktyabrın 21-də Qafanda İranın Baş konsulluğunun açılışında iştirak edəcəklər.
Buna da bax: Rusiya Xersondan çəkilir? – videolarXatırlatma
2020-ci ildə 44 günlük İkinci Qarabağ müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa edib. Laçın dəhlizində və Qarabağdakı təmas xəttində Rusiya sülhməramlıları yerləşdirilib. Tərəflər indiyədək sülh sazişi imzalamayıb, sərhədlər delimitasiya olunmayıb.
Hər iki tərəf ilin sonunadək sülh sazişinin imzalanacağını istisna etməyiblər.
Oktyabrın 17-də İranın Azərbaycanla sərhəd boyunca təlimlərə başlaması isə Azərbaycanda birmənalı qarşılanmayıb, ölkəyə təhdid kimi yozulub. İran səfirliyi isə təlimlərə başlamazdan əvvəl Tehranın Azərbaycan tərəfinə rəsmi nota verdiyini bildirib.