Birləşmiş Ştatlar və insan haqları qrupları İranda insan haqları müdafiəçisi Nasrin Sotoudeh barədə onilliklər davam edəcək azadlıqdan məhrumetmə hökmünün çıxarılmasını sərt bir şəkildə pisləyiblər.
İran mediası hakimə istinadən martın 11-də yazıb ki, ötən iyundan bəri həbsxanada 5 illik həbs cəzası çəkən Sotoudeh-ə ali rəhbər Ali Khamenei-ni “təhqir” etdiyinə görə daha iki il iş kəsilib.
Lakin Sotoudeh-in əri Reza Khandan bu məlumatı təkzib edib və bildirib ki, onun barəsində əlavə olaraq 33 il azadlıqdan məhrumetmə və 148 şallaq hökmü verilib.
Amnesty International insan haqları təşkilatı bildirir ki, bu, iki “son dərəcə ədalətsiz” məhkəmədən sonra insan haqları vəkilinin toplam cəzasını 38 ilə çatdırır və “hiddət doğuran” hərəkətdir.
Buna da bax: İranlıların yarısı məcburi hicaba “yox” deyirNyu Yorkda mənzillənmiş Human Rights Watch (HRW) insan haqları təşkilatı hökmü “qəddar” adlandırıb və bildirib ki, “ədalətin bu şəkildə məsxərəyə qoyulması hər bir insan haqları müdafiəçisi üçün təhlükə təşkil edir”.
ABŞ Dövlət Departamentinin sözçüsü Robert Palladino Twitter-də yazıb ki, yeni hökm bilərəkdən bütün dünyanın qadınlar gününü qeyd etdiyi bir vaxtda çıxarılıb.
“Khamenei-nin barəsində iftixarla moizə etdiyi ədalətin yeni erası budurmu?”
While the rest of the world commemorates women’s rights, the Iranian regime sentences #NasrinSotoudeh, a prominent Iranian human rights defender & women’s rights activist, to 38 years in prison & 148 lashings. Is this the “new era of justice” @Khamenei_ir proudly preaches about? pic.twitter.com/vap4wghjaM
— Robert Palladino (@StateDeputySPOX) March 11, 2019
Avropa Komissiyasının sözçüsü bu işə yenidən baxılmasına çağırıb və deyib ki, Sotoudeh Tehran İnqilabi Məhkəməsində keçirilən mühakiməsində iştirak etməyib və bu mühakimədə “hüququn bir sıra normaları pozulub”.
Sotoudeh-i başqa proseslərdə təmsil edən vəkil Mohammad Moghimi ötən həftə sosial mediada yazmışdı ki, ona qarşı “milli təhlükəsizliyə qarşı təşkilatlanma və sövdələşmə”, “fahişəliyə sövqetmə”, “ədliyyə qarşısına islami hicabsız çıxma”, “saxta məlumatların yayılması” və “asayişin pozulması” da daxil 7 ittiham irəli sürülüb.
2012-ci ildə Avropa Parlamentinin Düşüncə Azadlığına görə Saxarov Mükafatına həmlaureat olmuş Sotoudeh 2016-cı ildə onun barəsində qiyabi çıxarılmış məhkəmə hökmü əsasında 2018-ci ilin iyununda həbs edilib.
Buna da bax: Hicaba görə saxlanmış hüquq müdafiəçisi ‘buraxılsın’Vəkil 2018-ci ildə ictimai yerlərdə islami geyim məcəlləsinə etiraz əlaməti olaraq baş örtüklərini çıxardıqlarına görə saxlanmış bir neçə qadını müdafiə edirdi.
İran hakimiyyətinin kəskin tənqidçisi olan Sotoudeh bundan əvvəl 2009-cu il etirazlarında iştiraka görə həbs edilmiş dissidentlərin məhkəmələrinə vəkil kimi çıxdıqdan sonra üç il azadlıqdan məhrum edilmişdi.
Sotoudeh özünə qarşı bütün ittihamları rədd edir.
Onun əri Khandan təhlükəsizliklə bağlı ittihamlarla 6 il müddətinə azadlıqdan məhrum edilmişdi.
O hökmdən apellyasiya şikayəti verdikdən sonra zaminə buraxılmışdı.