İranın Şiraz şəhərində qurulmuş böyük plakat İran-İraq müharibəsində şəhid olanlara həsr edilmişdi, amma əksinə məsxərələrə səbəb olaraq tezliklə sökülüb. Çünki plakatda əks edilənlər İran yox, onun qatı düşməni olan İsrailin əsgərləri olub.
Bu “yolverilməz səhvə” görə Şirazın bələdiyyə idarəsi təhqiqata başlayıb.
Plakatda uçurumun qarşısında dayanmış üç əsgər buludlara baxan yerdə əks edilmişdi. Plakat 1980-1988-ci illərdə davam etmiş İran-İraq müharibəsinin 38-ci ildönümünə həsr olunmuşdu. Bu müharibədə İraq və İranın 500 min əsgəri həlak olub. Elə bu qədər də mülki əhali tələf olub.
Plakat qurulduqdan sonra bəzi Şiraz sakinləri şəkildəki əsgərlərin İsrailin hərbi formasında olduqlarına diqqət yetiriblər.
Bundan sonra İranın sosial mediasında tənqid və məsxərə dalğası başlanıb.
Üstəlik bu da bəlli olub ki, plakatın orjinalındakı əsgər qadın “redaktə” olunaraq şəkildən çıxarılıb.
Mission Completed: Shiraz, IranA tribute to the martyrs. Pictured: IDF Soldiers. متشکرم! pic.twitter.com/nB416OqRUf
— The Mossad (@TheMossadIL) 26 September 2018
@bahmanazadi124 ünvanlı bir Twitter istifadəçisi sentyabrın 27-də yazıb: “Şiraz rəsmiləri “Şəhidlər həftəsini” inqilabi bir tərzdə qeyd edərək İsrail ordusunun üç əsgərinin nəhəng plakatını ucaldıblar”.
İstifadəçi 1979-cu ildə hakimiyyətə gəlmiş ruhani hakimiyyəti “inqilabçı” sözü ilə dolayıb:
شهرداری شیراز در اقدامی انقلابی برای بزرگداشت «#هفته_دفاع_مقدس » بنر بزرگی با عکس سه سرباز ارتش اسرائیل نصب کرد!😂😂#براندازم #IranRegimeChange pic.twitter.com/i2iVrj9FtX
— جعفر قزوینی (@bahmanazadi124) 27 September 2018
Plakat hətta İsrail Xarici İşlər Nazirliyinin farsca Twitter hesabında da lağa qoyulub:
— اسرائیل به فارسی (@IsraelPersian) 26 September 2018
İsrail kəşfiyyatını parodiya edən @TheMossadIL hesabı sentyabrın 26-da yazıb: “Missiya başa çatdırıldı: Şiraz, İran. Şəhidlərin ruhu şad olsun. Şəkildəkilər: İsrailin Müdafiə Qüvvələrinin əsgərləri”.
Qalmaqallı plakat sentyabrın 26-da yığışdırılıb. Lakin iranlılar plakatın sökülməsini də fotoya alıblar:
In city of #Shiraz, a billboard is taken down overnight after it turned out its image -that was supposed to hail Iranian soldiers & martyrs of 1980-88 war- belong to IDF soldiers (with a female soldier removed).#Iran (First tweeted by an Israeli account) pic.twitter.com/90NRC3wI9U
— Fereshteh Sadeghi (@fresh_sadegh) 26 September 2018
Sentyabrın 27-də Şiraz Şəhər Bələdiyyəsinin müdiri Sayyed Ahmadreza Dastgheyb, onun təbirincə deyilərsə, “sionist rejimin əsgərlərinin şəklindən” istifadə edilməsinə dair təhqiqata başlanmasına göstəriş verib və deyib ki, günahkarlar ciddi cəzalandırılacaqlar.