Ermənistan polisi mənimsəmədə ittiham olunan general Manvel Qriqoryanın evini, eləcə də onun oğlu, Eçmiədzinin keçmiş meri Karen Qriqoryanın və qızı Naira Qriqoryanın evlərini mühafizə edəcək.
Azadlıq Radiosunun Ermənistan xidməti xəbər verir ki, polis Qriqoryanlara qarşı mümkün təhlükə haqda siqnallar aldığını bildirir.
Eçmiədzin merinin səlahiyyətlərini müvəqqəti icra edən Diana Qasparyan Azadlıq Radiosunun Ermənistan xidmətinə deyib ki, şəhərin polis rəisi ilə görüş keçirərkən eşidib ki, general Manvel Qriqoryanın oğlu Armanın və generalın atalığının evləri yarılıb.
Diana Qasparyan deyib ki, generala qarşı ittihamlar irəli sürüləndən sonra kimlərsə ondan qisas almağa çalışa bilər.
General Manvel Qriqoryan 2016-cı ilin aprelində Qarabağda gedən döyüşlər zamanı ordu üçün nəzərdə tutulan yardımı mənimsəməkdə ittiham edilir. Onun özü evindən çıxan hərbi avadanlıq və ərzaqdan xəbərsiz olduğunu bildirir.
Sizin brauzer HTML5-i dəstəkləmir
Ermənistan parlamenti deputat Manvel Grigoryanın həbsinə səs verib