Rusiyada müxalifət lideri Aleksey Navalnı sərbəst buraxılıb.
Polis onun barəsində iki protokol tərtib edib: "qanunsuz aksiyanın təşkili" və "polisə müqavimət"lə bağlı.
Bu barədə siyasətçinin özü Twitter səhifəsində yazıb:
"Yəqin yuxarıdan "komanda veriilib ki", andiçməyə qədər heç kimi həbs etməyin"
Onun məhkəməyə qədər azad edilməsinə qərar verilib.
Mayın 5-də Navalnının təşkilatçılığı ilə Rusiya boyu etiraz aksiyaları keçirilib.
Aksiyalar prezident Putinin avtoritar idarəçiliyinə qarşı yönəlib.
1000-dən çox insan saxlanıb.
Vladimir Putinin prezident kimi andiçmə mərasimi mayın 7-də keçiriləcək.