Pakistanın şərqində Aşura mərasimində qumbara partladılıb, azı 4 nəfər həlak olub.
Məclisi-Vəhdət Müslimin şiə təşkilatının sözçüsü “Mashaal” Radiosuna deyib ki, avqustun 19-da şərqi Puncab vilayətindəki Bahavalnaqar şəhərində hücumda bir neçə nəfər xəsarət alıb.
Sözçü qumbaranın kütləyə atıldığını deyib, adekvat təhlükəsizlik tədbirləri görmədiyinə görə yerli orqanları ittiham edib.
Hücuma görə məsuliyyəti götürən olmayıb.
Məhəmməd peyğəmbərin nəvəsi, şiə imamı Hüseyn və onun tərəfdarlarının qətlə yetirilməsi (Kərbəla hadisəsi) Məhərrəm ayında baş verdiyindən müsəlman ölkələrində onu matəm ayı kimi qeyd edirlər. Məhərrəm ayının 10-cü günü isə Aşura mərasimləri keçirilirş
Əhalisi əsasən sünnilər olan Pakistanda şiələr azlıq sayılır. Ekstremist sünni müsəlmanlar isə onları dönük hesab edir.