Futbol üzrə Avropa Çempionatı koronavirus pandemiyası ilə bağlı 2020-ci ilin yayından 2021-ci ilin yayına keçirilib.
Bu qərar UEFA-nın videokonfrans formatında keçirilən fövqəladə iclasında qəbul edilib.
Bu barədə məlumatı Norveçin Futbol Federasiyası yayıb:
UEFA har bestemt at EM utsettes til 2021. Det skal spilles fra 11. juni til 11. juli neste år. Mer informasjon kommer.
— NorgesFotballforbund (@nff_info) March 17, 2020
Avropa Çempionatı bu il iyunun 12-dən iyulun 12-dək keçirilməli idi.
Avropada ilk futbol çempionatı keçirilməsinin 60-cı ildönümünə təsadüf etdiyi üçün Avro-2020 çempionatının oyunlarına birdən birə 11 ölkə - Rusiya, İtaliya, İngiltərə, Azərbaycan, Macarıstan, Almaniya, Danimarka, İrlandiya, İspaniya, Niderland, Rumıniya və Şotlandiya ev sahibliyi etməli idilər.
Rusiya matçları Sankt Peterburq şəhərində yer almalıydı.
Avropa Çempionatının vaxtının dəyişdirilə biləcəyinə dair ehtimal barədə ilk dəfə, hələ martın 12-də Fransadaçıxan L'Equipe qəzeti yazmışdı.
Açılış matçı hazırda koronavirus epidemiyasının tüğyan etdiyi İtaliyada olmalıydı.
Son həftə ərzində Avropanın bir çox ölkələri milli çempionatların matçlarını dayandırıblar.
Buna da bax: Azərbaycan futbol çempionatlarının oyunları təxirə salınıb
Bu da xəbər verilir ki, 2021-ci ildə keçirilməsi nəzərdə tutulan qadınlar arasında Avropa Futbol Çempionatı, Millətlər Liqasının Finalları və 21 yaşadək futbolçular arasında keçirilən U-21 yarışlarının vaxtları da dəyişdirilməlidir.
Avropa çempionatlarının iştirakçısı olan ölkələrə milli çempionatların iyunun 30-dək başa çatdırılması tövsiyə edilib.
“Futbol tarixinin ən böyük böhranı”
UEFA prezidenti Aleksander Ceferin etiraf edib ki, Avro 2020 çempionatının vaxtının dəyişdirilməsi “baha başa gəlib”, amma bu oyunların azarkeşsiz stadionlarda keçirilməsi futbolsevərləri böyük idman bayramının zövqündən məhrum edə bilrədi.
Ceferin bu vəziyyəti “futbol tarixində ən böyük böhran” adlandırıb, lakin əlavə edib ki, bu böhran həm də “bəzi məsələlərin götür-qoy edilməsi” üçün imkan yaradacaq.
UEFA rəhbəri Twitter hesabından yazır ki, 2021-ci ildə çempionatın matçlarına tamaşa etmək imkanı olmayan azarkeşlərin biletlərə ödədikləri pullar tam qaytarılacaq.
UEFA would like to reassure ticket holders that if they cannot attend the tournament in 2021, the face value of their tickets will be refunded in full. Further information on the refund process will be communicated over the next month via e-mail and https://t.co/b0vCWqjTMa. pic.twitter.com/JmuA6YERcG
— UEFA EURO 2020 (@EURO2020) March 17, 2020
FIFA prezidenti Gianni Infantino deyib ki, Euro 2020 və Copa America 2020 çempionatlarının gələn ilədək təxirə salınması barədə rəsmi qərar martın 18-də qəbul ediləcək.
Statement from the FIFA President ➡️ https://t.co/4dnojhML3q pic.twitter.com/g554uWjR90
— FIFA Media (@fifamedia) March 17, 2020
Infantino bunu da əlavə edib ki, 2021-ci ilin yayında keçirilməsi planlaşdırılan FIFA Klublararası Dünya Kuboku da müzakirə mövzusu olacaq.
Infantinonun bəyanatında bildirilir ki, FIFA COVID19 virusuna qarşı mübarizəyə töhfə olaraq Dünya Səhiyyə Təşkilatının (DST) Həmrəylik Dəstəyi Fonduna 10 milyon dollar köçürəcək.