Aprelin 21-də Bakı və Abşeron yarımadasında havanın əsasən yağmursuz keçəcəyi gözlənir.
Lakin gecə və səhər bəzi yerlərdə zəif duman, çiskin olacağı ehtimalı var. Mülayim şimal-qərb küləyinin əsəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 4-6, gündüz 9-12, Bakıda gecə 4-6, gündüz 10-12 dərəcə isti proqnozlaşdırılır.
Azərbaycanın bəzi rayonlarında isə arabir yağış, dağlıq ərazilərdə qar yağacağı ehtimalı var.Gecə 1-5, gündüz 9-14 dərəcə isti, dağlarda gecə 1-6 dərəcə şaxta, gündüz 2-6 dərəcə isti təxmin edilir.
Son günlər fasilələrlə Bakıda, bir sıra bölgələrdə yağış, dağlıq ərazilərdə qar yağmağdadır.