Ukrayna Maliyyə Xidmətinin keçmiş rəisi, əslən azərbaycanlı Roman Nəsirov Ukrayna prezidentliyə namizədliyinin qeydə alınması üşün Mərkəzi Seçki Komissiyasına müraciət edib.
Bu barədə yanvarın 16-da AzadlıqRadiosunun Ukrayna xidməti məlumat yayıb.
Mərkəzi Seçki Komisiyası 5 gün ərzində onun müraciətinə baxmalıdır.
Ukraynada Prezident seçkiləri martın 31-də keçiriləcək.
Mərkəzi Seçki Komissiyası artıq 8 nəfərin prezidentliyə namizədliyini qeydə alıb.
Namizədlərin qeydə alınmasına qoyulmuş vaxt fevralın 5-də sona yetəcək.
Qeyd edək ki, Roman Nəirov 2017-ci ilin martında küllü miqdarda mənimsəmə və vəzifə səlahiyyətlərini aşma ittihamı ilə həbs edilmişdi.
Sizin brauzer HTML5-i dəstəkləmir
Azərbaycanlı məmur azadlıqda - Rekord məbləğdə girovla
Amma sonradan Ukraynanın tarixində görünməmiş məbləğdə, 4 milyon dollara yaxln girov müqabilində azadlığa buraxıldı.
Roman Nəsirov bütün ittihamları rədd edir.
Bundan sonra o tutduğu vəzifədən azad edildi.
Amma Kiyev məhkəməsi 2018-ci ilin dekabrında onun işdən kənarlaşdırılmasının qanunsuz olması və Nəsirova kompensasiya ödənilməsi barədə qərar çıxardı.