Rusiya sülhməramlı qüvvələri komandanlığının vasitəçiliyi ilə Azərbaycan Silahlı Qüvvələrinin iki hərbçisi Azərbaycan tərəfinə verilib.
Rusiya Müdafiə Nazirliyinin saytında dərc edilmiş xəbərdə deyilir ki, sözü gedən hərbçilər yanvarın 30-da Ermənistan Milli Təhlükəsizlik Xidməti tərəfindən bu ölkənin Sünik rayonundakı Dığ (Tex) yaşayış məntəqəsində həbs edilmişdilər.
Bu da xəbər verilir ki, yanvarın 30-da Azərbaycan tərəfinin ricası ilə Rusiya sülhməramlı qüvvələrinin tibb dəstəsinin köməyi ilə Azərbaycan Silahlı Qüvvələrinin 16 xəstə əsgəri Vəng məntəqəsindən Tərtər rayonunun Çardaqlı məntəqəsinə evakuasiya edilərək Azərbaycan tərəfinə verilib.