Sumqayıt Dövlət Texniki Kollecin yataqxanasında yanğın zamanı bir neçə nəfər tüstüdən zəhərlənib
Bu barədə AZƏRTAC-a Sumqayıt Tibb Mərkəzindən məlumat verilib.
Onlardan bir nəfər “digər qazların toksiki təsiri” diaqnozu ilə orta ağır vəziyyətdə hospitalizasiya olunub.
Daha bir neçə şəxsə yerində yardım göstərildiyi qeyd edilir.
Fövqəladə Hallar Nazirliyindən isə bildirilib ki, təhlükəsizlik tədbirləri çərçivəsində bina sakinlərinin təxliyəsi həyata keçirilib.
Məlumatda habelə vurğulanır ki, yanğın Sumqayıt Dövlət Universitetinin nəzdində fəaliyyət göstərən Dövlət Texniki Kollecinin ikimərtəbəli köməkçi binasının məcburi köçkünlər yaşayan hissəsində baş verib.
***
Fövqəladə Hallar Nazirliyinin məlumatına görə yanvarın 17-də Sumqayıtda kollecin yataqxanasında baş verən yanğın söndürülüb.
***
Yanvarın 17-də gecə saatlarında Azərbaycanın böyük şəhərlərindən sayılan Sumqayıtda kollecin yataqxanasında yanğın baş verib
Fövqəladə Hallar Nazirliyinin məlumatında bildirilir ki, bu şəhərin 22-ci məhəlləsində yerləşən yataqxana binasında yanğın baş verməsi barədə məlumat alıblar.
Artıq hadisə yerinə Dövlət Yanğından Mühafizə Xidməti və Sumqayıt Regional Mərkəzi qüvvələrinin cəlb olunduğu qeyd edilir:
“Hazırda yanğınla mübarizə tədbirləri davam etdirilir.”
Hələlik, yanğının səbəbi və onun miqyası barədə məlumat verilmir.