ABŞ prezidenti Donald Trump koronavirusla mübarizə çərçivəsində İtaliyaya yardım olunması ilə memorandum imzalayıb.
Sənəddə, xüsusilə qeyd olunur ki, Vaşinqtonun əsas narahatlığı Amerika vətəndaşlarına qayğı göstərməkdir, lakin ABŞ "Çin və Rusiyadan gələn yanlış məlumatlara baxmayaraq" liderliyini nümayiş etdirməlidir.
ABŞ ordusunun İtaliyaya pandemiya ilə mübarizə üçün humanitar yardım, personal və tibbi avadanlıq verəcəyi gözlənilir. Bir neçə sahə xəstəxanasının tikilməsi planlaşdırılır. Bu işlərin görülməsinə İtaliyada yerləşən ABŞ əsgərləri cəlb ediləcək. Bundan əlavə, Vaşinqton İtaliya biznesinə kömək etmək istəyir, lakin detallar açıqlanmır.
Martın sonunda Rusiya İtaliyaya hərbi həkimlər, tibbi avadanlıqlar və dezinfeksiya vasitələri ilə bir neçə təyyarəni göndərd. Romaya Çin də yardım edib. Amma bundan sonra Avropa İttifaqının səlahiyyətliləri Moskva və Pekinin virusla mübarizə altında öz təsirlərini genişləndirmək üçün istifadə etdiklərini söyləyib. İtaliya bu iddiaları qəbul etmir.
ABŞ və Aİ Rusiya və Çini koronavirusla mübarizə, o cümlədən sosial şəbəkələrdə yalan məlumatlar yaymaqda ittiham edir. Moskva və Pekin isə iddiaları əsassız hesab edir.
ABŞ-da COVID-19 virusuna yoluxma halları yarım milyonu keçib. Son məlumatlara görə, bu günə qədər ABŞ-da 19 minə yaxın insan ölüb. Ən ciddi vəziyyətin Nyu-York olduğu və burda 170 mindən çox insanda koronavirus aşkarlandığı vurğulanır. Nyu - Yorkda ölənlərin sayının 7500-ü keçdiyi bildirilir.
İtaliya ölənlərin sayına görə ABŞ-dan çox irəlidə deyil və dünyada koronavirusdan ölüm hallarına görə lider olaraq qalır. Bu gün İtaliyada koronairusa yoluxanların sayı 148 mindən çoxdur.