AzadlıqRadiosunun arxivindən (2016)
►“Onların çoxu indi müharibəyə razı deyil. Qan-qada istəyənlər faşistlərdir”
“416-cı Taqonroq diviziyasında Mozdokdan Berlinə qədər gedən, ehtiyatda olan polkovnik Süleyman Abbasov”...
Sizin brauzer HTML5-i dəstəkləmir
Müharibə veteranı Süleyman Abbasov: “Müharibədə erməni yoldaşlarla çörək kəsirdik”
“Əvvəlcə Kişinyova göndərmişdilər. Sonra Odessa, sonra da bütün cəbhələrdən keçdim, ta Berlinin ətrafına qədər. Berlin ətrafında 11 ay qalmışam. 11 aydan sonra – 1945-ci ilin bu günü – mayın 9-da Berlin alındı”.
5 ildə bir dəfə də yaralanmayıb
Bunu söyləyəndə gözləri qələbə sevinci ilə parıldayır. Deyir ki, 5 il ərzində, bircə dəfə də olsun, yaralanmayıb. Ancaq cəbhədən özü ilə kontuziya gətirib:
“Qələbədən sonra qayıtdıq SSRİ-yə. Bir dəfə də yaralanmadım, ancaq kontuziyam oldu. 1-ci qrup əliləm. Həmişə Allaha dua edirəm ki, xalqımızın, xüsusilə, gənclərin burnuna barıt qoxusu dəyməsin. Pis gün olmasın. Çox ağır günlərdən sonra Qələbə gününə gəldik. Onda gənc idim. Keşkə yenə cavan vaxtım olaydı, ötgün sözüm, kəskin baxtım olaydı...”
Süleyman Abbasov deyir ki, həmin qələbədən indi Azərbaycana da arzulayır. Döyüşlərdə isə SSRİ-nin birlik sayəsində qələbə çaldığını bildirir:
9 mayda Bakıda Sovet Azərbaycanının bayraqları
“Müharibə vaxtı erməni yoldaşlarla çörəyimizi kəsirdik. Onların çoxu indi müharibəyə razı deyil. Qan-qada istəyənlər faşistlərdir”.
Süleyman Abbasov bu gün ona verilən gül dəstələrinə baxıb “onda da yazın belə gözəl günü idi” deyir.
Nə vaxt müharibə sözü eşitsə, ürəyi qopur
Başqa bir müharibə veteranı, 79 yaşlı Rafiq Hüseynov Ukrayna, Krım cəbhəsində savaşıb:
Rafiq Hwseynov
Sizin brauzer HTML5-i dəstəkləmir
Veteran Rafiq Hüseynov: "Müharibə istəmirəm. Ancaq torpaqlarımızı almalıyıq, o da var"
“Krımda aviasiyada xidmət eləmişəm. Bütün döyüşlərdə də olmuşam. Arzu edirəm ki, bu gözəl qələbə Qarabağda da çalınsın. Gənclərimizə heyfim gəlir, ona görə müharibə istəmirəm. Ancaq torpaqlarımızı almalıyıq, o da var”.
Rafiq Hüseynov deyir, “müharibə” sözü eşidəndə ürəyi qopur, gözünün qabağına müharibə dəhşətləri gəlir. Elə indi də, vaxtilə döyüşdüyü Krıma görə narahatdır:
“O vaxt da Krım Ukraynanın idi. Krım həmişə Ukrayna olub, indi nə siyasətdirsə, atıblar ortalığa”.
1941-1945-ci illər müharibəsi zamanı 600 mindən çox azərbaycanlı cəbhəyə yollanıb. Onların yarıdan çoxu döyüşlərdə həlak olub. 130-a yaxın azərbaycanlı “Sovet İttifaqı Qəhrəmanı” adını alıb.
Hazırda Azərbaycanda 1200-dən çox müharibə veteranı yaşayır.
9 mayda Sovet İttifaqı qəhrəmanı Mehdi Hüseynzadənin heykəli
9 may, 2016
Bunlara da bax: Müharibə veteranlarının 1-ci toplanışı (1958-ci il)
Sizin brauzer HTML5-i dəstəkləmir
Müharibə veteranlarının 1-ci toplanışı (1958-ci il)
Anjelika Mixaylo haqda danışdı
Sizin brauzer HTML5-i dəstəkləmir
Anjelika Mixaylo haqda danışdı
____________________________________________________________