PARLAMENTDƏ MANAT MÜZAKİRƏSİ...
Milli Məclisin fevralın 24-də keçirilən toplantısında Mərkəzi Bankın manatla bağlı verdiyi son qərarı müzakirə mövzusu olub.
- Deputat Fərəc Quliyev Mərkəzi Bankın manatla bağlı atdığı addımın narazılığa səbəb olduğunu bildirib.
- İqbal Ağazadə Mərkəzi Bankın qərarının bahalaşmaya səbəb olduğunu, əhalinin bundan narahatlıq keçirdiyini deyib
- Zahid Oruc isə bu qərarın millətin mənafeyinə uyğun olduğunu bəyan edib
- Deputat Siyavuş Novruzov həmkarlarını populizmdə qınayıb: «Bu məsələdə populizmə ehtiyac yoxdur. Hökumət özü martdakı hesabatında bu məsələyə bir daha aydınlıq gətirəcək».
Elmanat karikaturası
Zahid Oruc: «Mərkəzi Bank düzgün qərar qəbul edib»
«Son üç gündə tədqiq etdiyim ən azı 5 ölkənin həyatı, ötən əsrin 90-cı illərindən bu yana yaşadıqları müxtəlif valyuta böhranlarının səbəbləri və ondan çıxış yollarının dərindən təhlili Azərbaycan Mərkəzi Bankının düzgün qərar qəbul etdiyini təsdiqləyir».
ANS-in məlumatına görə, bunu Milli Məclisin Təhlükəsizlik və müdafiə komitəsinin üzvü Zahid Oruc deyib. Deputat Mərkəzi Bankın 21 fevral qərarını dəstəklədiyini bildirib.
