-
Əziz Nesin 1915-2015
Türkiyədə yazıçı Əziz Nesinin 100 illiyi münasibətilə yazılı və şəkil arxivi, həyatına dair saysız-hesabsız materiallar nümayişə çıxarılıb.
Əziz Nesin Vəqfinin keçirdiyi sərgi belə adlanır: “Ömrünə sığmayan adam”.
İkimərtəbəli sərgi salonunun birinci mərtəbəsi Əziz Nesinin həyatına, ikinci mərtəbəsi isə yaradıcılığına ayrılıb.
Komediya, teatr, hekayə, şeir janrlarında məhsuldar yaradıcılığı olan Əziz Nesinin yazı masası, əlyazmaları, gündəlikləri, afişaları, ölümündən sonra sınıb-dağılmış pianosu sərginin ən çox maraq doğuran əşyalarıdır.
10 iyuldan 16 iyula qədər davam edəcək sərginin hazırlanmasına iki ilə yaxın vaxt sərf olunub.
"Ömrünə sığmayan adam" sərgisi təkcə Əziz Nesindən danışmır, həm də onun şahid olduğu tarixi sənədlər vasitəsilə çatdırır. Bunlar yeni polemikalara əsas verən sənədlərdir:
1955-ci ilin 6-7 sentyabr hadisələri, Sivas qətliyamı kimi Türkiyənin yaxın tarixində iz qoymuş hadisələrdən söhbət gedir.
Oxu zalı
